კვარიათი-სარფის 7 კმ-იანი გზის მონაკვეთის აღდგენა-გამაგრების სამუშაობი მიმდინარეობს

A-/A+

საერთაშორისო მნიშვნელობის სენაკი-ფოთი-სარფის საავტომობილო გზის, 7 კმ-იანი მონაკვეთის აღდგენა-გამაგრების სამუშაოები მიმდინარეობს.   პროექტის ჯამური ღირებულება 58 მილიონ ლარს აჭარბებს და სამუშაოებს სახელმწიფო სამშენებლო კომპანია ახორციელებს.  
უკვე დასრულებული და მიმდინარე სამუშაოები დაათვალიერეს საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა, რეგიონული განვითარებისა და ინფრასტრუქტურის მინისტრმა ზურაბ ალავიძემ და აჭარის ავტონომიური რესპუბლიკის მთავრობის თავმჯდომარემ ზურაბ პატარაძემ. 
პროექტის ფარგლებში, ქვისცვენის შესაჩერებლად, კლდეზე სპეციალური დამცავი ბადე გაკეთდა და ჩატარდა 110-მეტრიანი ესტაკადის რეაბილიტაცია. ამ ეტაპზე მიმდინარეობს ხელოვნური პლაჟის მოწყობა. 
კვარიათი-სარფის 7 კმ-იანი მონაკვეთის მშენებლობა ხელს შეუწყობს ავტოტრანსპორტის შეუფერხებელ გადაადგილებას, მგზავრებისთვის უსაფრთხო და კომფორტული გზით სარგებლობას.

15.07.2017

იხილეთ მსგავსი ინფორმაცია