02.03.10

რეგიონული განვითარებისა და ინფრასტრუქტურის მინისტრი დავით ტყეშელაშვილი, საავტომობილო გზების დეპარტამენტის თავმჯდომარე რამაზ ნიკოლაიშვილი და ევრაზიის სატრანსპორტო დერეფნის საინვესტიციო ცენტრის" დირექტორი გიორგი ცაგარელი წინასაკონკურსო კონფერენცია თემაზე - ,,ჩქაროსნულ სატრანზიტო მაგისტრალებზე მომსახურებისა და დასვენების ობიექტების მოწყობას" დაესწრნენ. კონფერენციაზე ,,ჩქაროსნულ სატრანზიტო მაგისტრალებზე მომსახურებისა და დასვენების ობიექტების" პრეზენტაციაც გაიმართა.
თანამედროვე ჩქაროსნული ავტომაგისტრალების ერთიანი სისტემის განუყოფელ ნაწილს განვითარებულ სახელმწიფოებსა და ზოგიერთ განვითარებად ქვეყანაში წარმოადგენს  მომსახურებისა და დასვენების ობიექტები. მათი მნიშვნელობა რამოდენიმე გარემოებამ განაპირობა:

• მგზავრობისას მძღოლების დასვენების აუცილებლობით განპირობებულმა მოძრაობის უსაფრთხოების მოთხოვნებმა;
• მრავლდარგიან მომსახურებაზე მგზავრთა და მძღოლთა მზარდმა მოთხოვნამ;
• საავტობუსო სადგურებისა და მძიმეწონიანი ავტომანქანების საკონტეინერო ტერმინალების ფუნქციონირებამ.